Кога не ви треба хаб
Уредите што работат на Wi‑Fi се поврзуваат директно на вашиот рутер. Такви се повеќето Shelly релеи и приклучоци и голем дел од Meross уредите. Ако почнувате со неколку светла и приклучоци, можете да почнете без хаб.
Кога ви треба хаб
Сензорите на батерии (движење, врата, температура, поплава) најчесто работат на Zigbee или Thread, бидејќи трошат многу малку струја и батеријата трае со години. Тие уреди зборуваат со хаб, а хабот со вашиот телефон.
Четири начини да изберете
- Aqara хаб е најлесниот избор ако повеќето уреди ви се Aqara. Hub M100 е мал и поевтин почеток, Hub M200 и Hub M3 се за повеќе уреди, а камерите со вграден хаб (G350 Select, G5 Pro, ѕвончето G410) се камера и хаб во еден уред.
- Homey Pro е еден хаб што зборува Zigbee, Z‑Wave, Thread, Matter, Wi‑Fi, Bluetooth и инфрацрвено. Добар е ако сакате уреди од многу брендови и едноставни автоматизации без програмирање.
- Home Assistant Green е отворена платформа која работи целосно локално и поддржува илјадници уреди. За Zigbee и Thread додавате Connect ZBT‑2. Најмоќниот избор, за оние што сакаат целосна контрола.
- Ajax Hub е посебен: тој е централа само за Ajax алармниот систем, со резервна батерија и SIM картичка. Не го заменува хабот за паметен дом, туку работи покрај него.
Нашиот совет
Стан со неколку соби и претежно Aqara уреди: еден Aqara хаб. Куќа со уреди од повеќе брендови: Homey Pro или Home Assistant. Ако не сте сигурни, кажете ни што сакате да автоматизирате и ќе ви предложиме комплет.
